Jarkenttegi ákim rezıdentsııasy balalardy ońaltý ortalyǵy bolyp ózgerdi

TALDYQORǴAN. QazAqparat – Jarkent qalasynda ornalasqan oblys ákiminiń burynǵy rezıdentsııasy balalardy ońaltý ortalyǵy bolyp qaıta quryldy. Bul týraly QazAqparat Jetisý oblysy ákiminiń baspasóz qyzmetine silteme jasap habarlaıdy.

«Osy jyldyń naýryz aıynda óńirdiń burynǵy ákimi Qanat Bozymbaev Jarkent qalasyndaǵy rezıdentsııany balalardyń qajettilikterine paıdalanýdy tapsyrdy. Ǵımaratty qaıta jóndeýge 80 mıllıon teńge jumsaldy. Bir qabatty ǵımarattyń aýdany – 1 gektar jer ýchaskesi bar 910 sharshy metr. Endi jańa ońaltý ortalyǵy montesorrı, sensorlyq, fızıoterapııa, emdik dene shynyqtyrý, defektolog jáne logoped, gıdromassaj jáne massaj, emshara kabınetterimen, akt zalymen jáne eńbekke oqytý bólmesimen jasaqtalǵan», - delingen habarlamada.

Eske salsaq, eks-ákimniń atalǵan ǵımarat pen ýchaskeni erekshe balalardyń ómiri men densaýlyǵy úshin kúresýge kómektesetin mańyzdy nysanǵa aınaldyrý týraly sheshimi Panfılov aýdany turǵyndarymen kezdesýde aıtylǵan bolatyn.

Foto: gov.kz