Jarkentte týǵan baýyryn óltirgen sheteldik sottaldy
TALDYQORǴAN. QazAqparat - Almaty oblysynyń Panfılov aýdanynda Jarkenttiń turǵynyn óltirdi degen kúdikpen 75 jastaǵy Ózbekstan azamaty ustaldy.
Oqıǵa 2017 jyldyń qazanynda bolǵan. Oblystyq ІІD málimetinshe, Jarkenttegi jer úılerdiń birinen egde jastaǵy er adamnyń máıiti tabyldy. Oqıǵa ornynan polıtseıler marqumnyń jaqyn týysyn ustady. Tergeý barysynda ol aýyr qylmys jasaǵanyn moıyndady.
«Kúdikti 1942 jyly týǵan Ózbekstan azamaty bolyp shyqty. Týǵan baýyrynyń úıine qonaqqa kelgen ol mastyqpen týysyn ólgenshe sabap tastaǵan. Kúdiktiniń ústinen QR QK 106 babynyń 3 bóligi boıynsha qylmystyq is qozǵaldy»,-deıdi polıtsııa.
Panfılov aýdandyq soty qylmyskerdi 9 jylǵa bas bostandyǵynan aıyrý týraly úkim shyǵardy.
Foto: n-z.tv
