Jarkentte stýdentterdi urǵan oqytýshyǵa qatysty is qozǵaldy
JARKENT. QazAqparat - Almaty oblysyndaǵy Jarkent qalasynda stýdentterge qol jumsaǵan oqytýshynyń ústinen qylmystyq is qozǵaldy. Bul týraly QazAqparat tilshisi oblys ákiminiń baspasóz hatshysy Ǵalymurat Júkelge silteme jasap habarlaıdy.
«Qazir osy oqıǵaǵa oraı, arnaıy komıssııa quryldy. Jaǵdaıǵa ne túrtki bolǵany anyqtalady. Qazir oqytýshynyń ústinen QR QK 140-baby boıynsha qylmystyq is qozǵaldy. Tekserýge oraı ol jumystan shettetildi», - dedi Almaty oblysy ákiminiń baspasóz qyzmetiniń hatshysy Ǵalymurat Júkel.
Vedomstva ókiliniń sózinshe, oqıǵa Jarkenttegi kópsalaly kolledjde qańtardyń 10-y kúni bolǵan. Al oblystyq bilim basqarmasynyń basshysy Dáýren Júnisov ustaz bıylǵy oqý jylynda atalǵan kolledjge jumysqa ornalasqanyn málimdedi.
Aıta keteıik, qazir oqytýshynyń stýdentterge qol jumsap, bylapyt sózder aıtqan vıdeosy áleýmettik jelige tarap ketti.
