Jarkentte kólik jolǵa shyǵyp ketken velosıpedshi balany qaǵyp ketti
ASTANA.KAZINFORM - Jarkenttegi jol-kólik oqıǵasy bolǵan jerden túsirilgen fotosýret áleýmettik jelilerde tarady. Onda bir adam jol jıeginde jatyr.
Jetisý oblystyq polıtsııa bólimi apat bolǵanyn rastady. Departamenttiń málimetinshe, apat 17 shildede Panfılov aýdanynyń Jarkent qalasynda bolǵan.
- Aldyn ala málimetter boıynsha, Pýshkın kóshesimen kele jatqan Audi A6 kóliginiń júrgizýshisi Ýálıhanov kóshesiniń qıylysynan jolǵa shyǵyp, qaýipsizdikti qamtamasyz etpeı, kámeletke tolmaǵan velosıpedshini qaǵyp ketken. Apat saldarynan jasóspirim aýrýhanaǵa jetkizildi, - dep habarlady polıtsııa.
Apatqa qatysty dáleldemeler jınalyp, protsessýaldyq sheshim qabyldaý úshin usynyldy.
Polıtsııa ata-analardy balalaryna jol qaýipsizdigi erejelerin únemi eske salyp otyrýǵa shaqyrdy. Velosıpedshilerge joldan ótken kezde óte saq bolýǵa, alańdatatyn nárselerden aýlaq bolýǵa jáne jol qozǵalysy erejelerin qatań saqtaýǵa keńes bertdi.
Aıta keteıik, Astanada jol erejesin 87 ret buzǵan júrgizýshi qamaýǵa alyndy.
