Jarkentte qaza tapqan kýrsanttyń ata-anasyna memlekettik nagrada tapsyryldy

TALDYQORǴAN. QazAqparat - Almaty oblysyndaǵy Panfılov aýdanynyń ákimi Talǵat Ómirálıev 6 qańtar kúni Almatydaǵy búlikshiler qolynan qaza tapqan Jaıyq Adylqannyń ata-anasyna Prezıdent jarlyǵymen jetken lll dárejel «Aıbyn» ordenin tapsyrdy, dep habarlaıdy QazAqparat tilshisi.

Eńbekshi aýylyndaǵy mádenıet úıinde Jaıyq Ýgýlhanulyn bir mınýt únsizdikpen eske alǵan marqumnyń jaqyndary men týys, joldastary Jaıyqtyń jarqyn beınesi máńgi este qalatyn jetkizdi.

«Bul ordendi men emes balam ózi alýy kerek edi» dep egilgen ákesi Ýgýlhan Erenchıev barsha qoldaý kórsetip, qaıǵylarymen ortaqtasqan turǵyndarǵa alǵysyn bildirip, endi bundaı jaǵdaı bolmaýyn tiledi.

Jaıyq Adylqan 4-7 qańtar aralyǵynda QR UQK Shekara Akademııasynyń kýrsanttarymen Almaty qalasyndaǵy strategııalyq mańyzdy nysandardy qorǵaýǵa qatysqan bolatyn. Kýrsanttarmen birge «Kóktóbe» telemunarasy da qorǵaıdy. Osy qorǵanysta kýrsanttar búlikshilerdiń shabýylyna birneshe ret toıtarys beredi. Alaıda telemunara men akademııa arasyndaǵy urysta Jaıyq búlikshiler qolynan qaza tapqan bolatyn.

Jarkent jurty búlikshiler qolynan qaza tapqan kýrsant Jaıyq Adylqandy jer qoınyna tapsyrǵanyn habarlaǵan bolatynbyz.