Jarkentte bir-birine soǵylǵan kólikter janyp ketti, bir adam mert boldy

TALDYQORǴAN. QazAqparat - Jetisý oblysynda jeńil kólikpen júk mashınasy soqtyǵysyp bir adam mert boldy, dep habarlaıdy QazAqparat tilshisi.

Jol-kólik oqıǵasy 30 maýsym kúni Jarkent qalasynda boldy. Toyota Camry jáne Volvo aýyr júk mashınasynyń soqtyǵysý kezinde eki kólik te janyp ketti.

Oqıǵa ornynda 37 jastaǵy er adam qaza tapty.

Túnde Golovatskıı kóshesimen kele jatqan japon kóliginiń júrgizýshisi jol jıeginde turǵan júk kóligimen soqtyǵysqan.

Soqqy janarmaı bagyna tıgen.

«Jol apaty faktisi boıynsha qajetti saraptama taǵaıyndaldy. QR QK-niń 345-babynyń 3-bólimi boıynsha tergeý amaldary bastaldy»,- delingen Jetisý oblystyq polıtsııa departamenti baspasóz qyzmetiniń habarlamasynda.