Jarkentte áıel bótelkelesin óltirdi degen kúdikpen ustaldy
TALDYQORǴAN. QazAqparat - Almaty oblysynda 48 jastaǵy áıel bótelkelesin óltirdi degen kúdikpen ustaldy, dep habarlaıdy QazAqparat tilshisi.
Almaty oblystyq polıtsııa departamentindegi baspasóz qyzmetiniń málimetinshe, oqıǵa Paıfılov aýdanynyń ortalyǵy Jarkent qalasynda bolǵan. 18 tamyz kúni qaladaǵy jer úılerdiń aýlasynyń birinde qınap óltirý belgilerimen er adamnyń múrdesi jatqandyǵy jóninde tártip saqshylarǵa habarlama túsken.
«Jedel tekserý kezinde polıtseıler kúdikti retinde mert bolǵan adamnyń 48 jastaǵy kórshisin ustady. Áıel adam túngi saǵat 02:00 shamasynda kórshilimen ishimdik iship, oǵan tıse bastaǵanyn jetkizgen.Sol sebepti ol keramıkalyq saptaıaqpen birneshe ret basynan uryp, úıine qashyp ketkenin aıtqan. Al tańerteń kelgende 48 jastaǵy kórshisiniń jansyz denesiniń aýlada jatqanyn kórgen», -delingen vedomstvonyń taratqan habarlamasynda.
Qazir aıǵaq zattar iske tirkeldi. Kúdikti áıel ýaqytsha ustaý ızolıatoryna qamaldy. Atalǵan fakti QR QK 99-baby «Adam óltirý» boıynsha júrip jatyr.