Jarkentte 42 jastaǵy áıeldi zorlap, óltirgen kúdikti ustaldy
Polıtsııanyń aqparatyna sáıkes, kúdikti ustaldy. Qazir tergeý júrip jatyr.
«Zańda kózdelgen barlyq qajetti tergeý áreketteri júrgizilýde, olardyń nátıjesi boıynsha kúdiktiniń is-áreketine quqyqtyq baǵa berile otyryp, is boıynsha túpkilikti protsessýaldyq sheshim qabyldanady. QR Qylmystyq is júrgizý kodeksiniń 201-babyna sáıkes, tergeý múddesine oraı ózge aqparat jarııalaýǵa jatpaıdy»,- delingen Jetisý oblystyq polıtsııa departamenti baspasóz qyzmetiniń habarlamasynda.
Týystarynyń aıtýynsha, Jarkent qalasynda 42 jastaǵy áıel aıýandyqpen óltirilgen. 4 shilde kúni túngi saǵat 12-ler shamasynda dúkenge shyqqan Eleonora Zıparovanyń órtengen máıitin tańerteń aýyl turǵyny taýyp alǵan. Ústine kıgen kıimderin sol mańnan jınap alǵan jaqyndary, óltirmes buryn qaskóı ony zorlady degen oıda. Al, sumdyq jaǵdaıǵa kináli retinde ustalǵan kúdikti de sol mańaıda turady eken.
