Jarkentte 21 jastaǵy kólik júrgizýshi adam qaǵyp, mert qyldy

TALDYQORǴAN. QazAqparat - Jetisý oblysynyń Panfılov aýdanyndaǵy Jarkent qalasynda 48 jastaǵy turǵyndy kólik qaǵyp, mert qyldy, - dep habarlaıdy QazAqparat tilshisi.

Jol apaty 13 maýsym kúni tańerteń Golovatskıı-Býsakov kósheleriniń qıylysynda boldy.

«48 jastaǵy jergilikti turǵyn «Audi-100» avtokóligine túsip, qaıtys boldy. Jaıaý júrginshiniń ólimine ákep soqqan jol apaty boıynsha qajetti saraptamalar taǵaıyndalyp, tergeý amaldary bastaldy. Shetel kóligin 21 jastaǵy jigit basqarǵan. Avtokólik arnaıy avtoturaqqa qoıyldy»,- delingen Jetisý oblystyq polıtsııa departamenti baspasóz qyzmetiniń habarlamasynda.
Jyl basynan beri oblystyń avtojoldarynda jaıaý júrginshilerdiń qatysýymen 59 jol-kólik oqıǵasy tirkeldi. Onda 11 adam qaza taýyp, 49 adam jaraqat aldy.
Polıtsııa azamattardy joldan ótý kezinde óte saq jáne muqııat bolýǵa shaqyrady.