Jarkent turǵyny satyp alǵan grıldiń ishinen qurt shyqty
TALDYQORǴAN. QazAqparat - Almaty oblysyndaǵy Jarkent qalasynda saýdalanǵan taýyq etiniń ishinen qurt shyqty, dep habarlaıdy QazAqparat tilshisi.
Qurttap ketken taýyqty jergilikti turǵynnyń biri jelige júktep, grıl almaýǵa keńes berdi.
«Jarkentten grıl almańyzdar. Qarańyzdar ishinen qurt shyǵyp jatyr»,- dep eskertedi ol.
«Panfılov aýdandyq sanıtarııalyq-epıdemıologııayq baqylaý basqarmasy bul jarııalanymdy nazarǵa aldy. Tergeý qorytyndysy boıynsha tıisti sharalar qabyldanatyn bolady.
Qurmetti aýdan turǵyndary, tamaqtan ýlanýdyń aldyn alý úshin sizderden zańdy saýda oryndarynan tamaq satyp alýlaryńyzdy, ónimniń syrtqy túrine, daıyndaý, jetkizý jáne saqtaý sharttaryna, personalǵa arnalǵan arnaıy kıim jáne t.b. nazar aýdarýlaryńyzdy ótinemiz.
Eger siz osyndaı faktilerdi tapsańyz, naqty meken-jaıdy, dúken ataýyn jáne kontaktilerińizdi kórsetýlerińizdi suraımyz»,- deıdi Almaty oblystyq sanıtarııalyq-epıdemıologııalyq baqylaý departamentiniń baspasóz qyzmetinen.
