Jarkent meshitinde tarıhı kelbetti saqtaı otyryp restavratsııa júrgizilip jatyr
ASTANA. KAZINFORM — Aldaǵy kezeńde syrtqy 52 aǵash tireý baǵany, qasbetter, kirpish sylaqtary jáne búginge deıin saqtalǵan sándik órnekter qalpyna keltiriledi.
Búginde «Qazqaıtajańartý» RMK mamandary shatyr jabyndysyn qalpyna keltirý jumystaryn aıaqtady. Qazir meshit munarasy, aıvany, kireberis portaly men qaptal qaqpalarynyń beti kóp jyldan beri jınalǵan kir-qoqys pen túrli lastanýdan tazartylyp jatyr.
Aldaǵy kezeńde syrtqy 52 aǵash tireý baǵany, qasbetter, kirpish sylaqtary jáne búginge deıin saqtalǵan sándik órnekter qalpyna keltiriledi. Sondaı-aq kúmbez ben syrtqy kirpish betteri arnaıy óńdeýden ótkizilip, qorshaýlar jańǵyrtylady.
Árbir jumys eskertkishtiń sáýleti men aǵash oıý-órnekterin, kórkemdik naqyshyn barynsha saqtaı otyryp júrgizilip jatyr. Eskertkishke irgeles aýmaq ta abattandyrylyp jatyr.
Sonymen birge Memleket basshysy Qasym-Jomart Toqaevtyń Jarkent meshitin ıÝNESKO-nyń Búkilálemdik muralar tizimine engizý jónindegi tapsyrmasy aıasyndaǵy jumystar kezeń-kezeńimen iske asyrylyp keledi.
Aıta ketelik bas meshitke «Nursultan meshiti» ataýy berilgen edi.
