Jarkent garnızonynda ofıtser jaraqat alyp, kóz jumdy

ASTANA. KAZINFORM – Ofıtser jospardan tys oqý-jattyǵý barysynda qaýipsizdik sharasyn saqtamaý saldarynan mert boldy. Oqıǵany QR Qurlyq áskerleriniń baspasóz qyzmeti rastady.

«14 qarashada dıversııaǵa qarsy qaýipsizdik boıynsha jospardan tys sabaq barysynda qaýipsizdik sharasyn saqtamaý saldarynan Jarkent garnızony áskerı bóliminiń ofıtseri alǵan jaraqattan kóz jumdy», - delingen habarlamada.

Aqparatta aıtylǵandaı, qylmystyq is qozǵaldy, tergeý múddesi úshin ózge de aqparat jarııalaýǵa jatpaıdy.

«Qurlyq áskerleriniń qolbasshylyǵy marqumnyń týystary men jaqyndaryna kóńil aıtady, olarǵa barlyq qajetti kómek kórsetiledi», - deıdi áskerı vedomstvodan.

Aıta ketsek, taıaýda ShQO-da merzimdi qyzmettegi áskerı qyzmetshi qaza boldy. 

Al qazan aıynda Prıozersk garnızonynda áskerı qyzmetshi ózin atyp mert boldy. 

Odan bólek, Shahtınsk qalasynda áskerı qyzmetshiniń denesi tabylǵan edi.