Jarqaıyń aýdanynda 2 mlrd teńgege káriz júıesi qalpyna keltirilýde-Aqmola oblysy
KÓKShETAÝ. QazAqparat - Aqmola oblysynyń Jarqaıyń aýdanynda káriz júıesin qalpyna keltirý boıynsha kúrdeli jóndeý jumystary bastalyp ketti, dep habarlaıdy QazAqparat tilshisi.
Aýdan ákimi baspasóz qyzmetiniń málimeti boıynsha, Derjavınsk qalasynda qolǵa alynǵan jobanyń jalpy quny 2 mıllıard teńgeni qurap otyr. Joba boıynsha qaladaǵy káriz júıesi tazalaý nysandarymen birge jańǵyrtylmaq. Qazirgi kezde, tazalaý nysandarynyń irgetasy qalanýda.
«Oǵan qosa, káriz júıesi qubyrlarynyń jelisi boıynda KNS-1, KNS-2 jáne KNS-3 nasos stansalaryn ornatý jumystary júrgizilýde. Bul jumystarǵa 2 ekskovator, 7 júk kóligi, 2 býldozer jáne 1 júk kótergish mashına jumyldyrylyp otyr. Jaqynda taǵy 3 ekskovator tartylmaq», - dep túsindirdi aýdan ákiminiń baspasóz hatshysy Gúljan Baıegizova.
Jalpy, Jarqaıyń aýdanyndaǵy turǵyn-úı kommýnaldyq sharýashylyǵy nysandaryn jańǵyrtý, áleýmettik sala nysandary men kóliktik ınfraqurylymdy damytý baǵytyndaǵy jobalardy júzege asyrý úshin 2017 jyldarǵa 1374,6 mıllıon teńge qarjy bólingen.
