Aqmola oblysyndaǵy senbilik barysynda 80 tonnaǵa jýyq qoqys shyǵaryldy
KÓKShETAÝ. KAZINFORM – Aqmola oblysynyń Jarqaıyń aýdanynda respýblıkalyq «Taza Qazaqstan» ekologııalyq aktsııasy aıasynda kezekti aýqymdy senbilik ótip, oǵan 400-den astam turǵyn qatysty.
Іs-shara Derjavınsk qalasynyń ortalyq alańynda saltanatty túrde ashyldy. Oǵan Jarqaıyń aýdany ákiminiń orynbasary Dýlat Syzdyqov, Aqmola oblysynyń bala quqyqtary jónindegi ýákili Mılana Podrezova, memlekettik organdardyń ókilderi, jastar, eriktiler, kásipkerler, eńbek ujymdary jáne aýdan turǵyndary qatysty.
Tazalyq jumystary qalalyq ıppodrom aýmaǵynda da uıymdastyryldy.
Senbilik qorytyndysynda 80 tonnaǵa jýyq turmystyq qaldyq jınalyp, arnaıy polıgondarǵa shyǵaryldy.
Jarqaıyń aýdanynda «Taza Qazaqstan» respýblıkalyq ekologııalyq aktsııasy júıeli túrde ótkizilip keledi. Jyl basynan beri aýdanda 76 senbilik uıymdastyrylyp, oǵan 2,7 myńnan astam adam qatysty. Osy kezeńde 3 670 aǵash pen buta otyrǵyzylyp, anyqtalǵan 7 zańsyz qoqys orny tolyqtaı joıyldy.
