Jarııalanbaǵan chellendj: SQO-da ishimdikten bas tartqan aýyldar sany artyp keledi

PETROPAVL. KAZINFORM – Soltústik Qazaqstan oblysynda ishimdikten bas tartqan aýyldar sany 19-ǵa jetti.

SQO Polıtsııa departamenti baspasóz qyzmetiniń málimetinshe, tizimge sońǵylardyń biri bolyp Aqjar aýdanynyń Baıtus aýyly qosyldy. Eldi mekende ótken jıynda turǵyndar alkogolden bas tartý bastamasyn biraýyzdan qoldady.

- «Zań jáne Tártip» ıdeologııasyn ilgeriletý aıasynda polıtseıler ishimdikten bas tartýdy belsendi nasıhattap keledi. Munyń artyqshylyǵy kóp: ishimdik ishpeıtin aýyldarda aýyr jáne asa aýyr qylmystar, sondaı-aq otbasylyq-turmystyq quqyq buzýshylyqtar jasalmaıdy.

Bıyl QR Іshki ister mınıstrliginde «Polıtsııa zań men tártip kúzetinde» atty profılaktıka jyly dep jarııalandy. Oblysta osy aralyqta Ýálıhanov, Tımırıazev, Aqqaıyń, Taıynsha, Esil, Aqjar, Jambyl, M. Jumabaev, Shal aqyn, Ǵ. Músirepov aýdandarynda 10-nan astam aýyl ishimdikten bas tartty, - deıdi polıtsııa qyzmetkerleri.

Bul «jarııalanbaǵan chellendj» óńirde 2022 jyly bastalyp, oǵan alǵashqylardyń biri bolyp Taıynsha aýdanynyń Teńdik, Ǵ. Músirepov atyndaǵy aýdannyń Kovylnoe, Aıyrtaý aýdanynyń Birlestik pen Qarasaı batyr aýyldary qoldaý kórsetti.

Buǵan deıin M.Jumabaev aýdany Sýlyshoq aýylynyń turǵyndary toı-tomalaqty araq-sharapsyz ótkizetindigin jazǵan edik.