Jarysta moıyn omyrtqasyn syndyryp alǵan jas balýan kóz jumdy
AQTÓBE. KAZINFORM – Sportshynyń denesi Aqtóbege jetkizildi. Bul týraly oblystyq dene shynyqtyrý jáne sport basqarmasy habarlady.
Jas sportshynyń denesi SCAT áýe kompanııasynyń reısimen jetkizilgen. Onyń janynda jattyqtyrýshysy men týma-týystary boldy.
– Bahtııar Ahaı – Aqtóbe qalasynyń týmasy. Beldesý kezinde qarsylasynyń ádisinen keıin basymen qulap, aýyr jaraqat alyp, ómirden ozdy. Qonaqasy búgin bolady. Al, erteń shyǵarý rásimi ótedi, - dep habarlady sport basqarmasy.
Aıta keteıik, oqıǵa 7 qyrkúıekte Aqmola oblysy Ereımentaý aýdanynda ótken 2010–2011 jyly týǵan jasóspirimder arasyndaǵy H dástúrli halyqaralyq týrnır kezinde boldy. Aqtóbelik balýan kúres ádisin oryndaý kezinde moıyn omyrtqasynan aýyr jaraqat alyp, esinen tanyp qalǵan. Bul týrnır Alash ıdeıasy jolynda janyn qıǵan qaıratkerler men Perýash Kárimulynyń rýhyna arnaldy.
Keıin dárigerler 2010 jylǵy jasóspirim sanıtarlyq avıatsııamen shuǵyl Astana qalasyndaǵy № 2 kópsalaly qalalyq balalar aýrýhanasyna jetkizilgenin habarlady.