«Jaryp jiberetin oryn»: Almaty polıtsııasy jelidegi jazbasy úshin er adamdy ustady

ALMATY. KAZINFORM — 2GIS kartasynda dinı birlestikterdiń qyzmetine qatysty jarııalanymǵa er adam jarylys týraly pikir qaldyrǵan.

— Jaryp jiberetin oryn, — delingen jazbada.

Almaty qalasynyń polıtsııa departamenti atalǵan derek boıynsha jedel shara qoldanǵanyn habarlady. Іzdestirý jumystary kezinde pikir avtorynyń jeke basy anyqtalǵan, ol — 21 jastaǵy Almaty qalasynyń turǵyny.

— Er adam ustalyp, polıtsııa bólimshesine jetkizildi. Internetke jazylǵan bolsa da, kez kelgen qorqytý polıtsııa tarapynan qoǵamdyq qaýipsizdikke naqty qater retinde qaralady. Mundaı «ázilderdiń» saldary aýyr bolýy múmkin. Árbir habarlama muqııat tekserilip, kináliler zań aıasynda jaýapqa tartylady, — dedi Ekstremızmge qarsy kúres basqarmasynyń bastyǵy Ashat Dáýletııarov.

Eske salaıyq, buǵan deıin Almaty áýejaıynda «bagajymda bomba bar» degen sheteldik jolaýshy ustalǵanyn jazǵanbyz.