Jarylystan keıingi órt: Ispanııadaǵy kópqabatty úıden turǵyndar evakýatsııalandy
ASTANA. KAZINFORM — Ispanııadaǵy eń bıik záýlim ǵımarattardyń biri — Torre Moeve munarasynda jarylys bolyp, oqıǵadan keıin turǵyndardy evakýatsııalaý jarııalandy, dep habarlaıdy BelTA.
Bul týraly Ispanııanyń El Pais basylymy habarlady.
Basylymnyń málimetinshe, ǵımarat ishinde jarylys bolyp, onyń saldarynan órt shyǵyp, 25-qabatty qalyń tútin basqan. Záýlim ǵımaratta 45 qabattan turady.
Oqıǵa ornyna jedel túrde órt sóndirý bólimderi men medıtsınalyq qyzmet mamandary jetti. Tótenshe jaǵdaı qyzmetterindegi derekkózdiń málimetinshe, órt sóndirildi.
Qaza tapqandar týraly aqparat túsken joq. Tútinnen ýlanǵan eki adamǵa medıtsınalyq kómek kórsetildi.
Oqıǵanyń sebepteri anyqtalyp jatyr.
Buǵan deıin Ispanııadaǵy orman órti shamamen 330 gektar aýmaqty sharpyǵany týraly habarlaǵan bolatynbyz.
