Jarylys bolǵan «Qaztsınk» kásipornynda aýa sapasyna júrgizilgen tekserý qorytyndysy shyqty
ÓSKEMEN. KAZINFORM — Shyǵys Qazaqstan oblysynyń ekologteri jarylys bolǵan «Qaztsınk» kásipornynda aýa sapasyna júrgizilgen tekserý qorytyndysyn jarııa etti.
«Qaztsınk» kásipornynda bolǵan jarylystan soń áleýmettik jelide halyqqa kóshede júrýge bolmaıtyny, aýanyń lastanǵany týraly túrli aqparat tarap ketti.
ShQO Ekologııa departamentiniń málimetine súıensek, mamandar oqıǵa ornyna shuǵyl baryp, tıisti jumystardy qolǵa alǵan.
— Qajetti taldaýlar men ólsheýler júrgizilip, sonyń nátıjesinde ruqsat etilgen normalardyń azdaǵan asyp ketýi tirkelgenimen, qaýipti lastaýshy zattardyń bólinýi anyqtalǵan joq. Halyq úshin eshqandaı qaýip pen táýekel joq, — dep habarlady departamenttiń baspasóz qyzmetinen.
Eske salsaq, osyǵan deıin ShQO Bilim basqarmasy Óskemende mektep oqýshylary úshin sabaqtar shtattyq rejımde ótkiziletindigin málim etken bolatyn.
Sondaı-aq «Qaztsınk» kásipornyndaǵy jarylysqa baılanysty jedel jeli iske qosylǵan.
