Jarylǵysh zat qoıylǵan: Taldyqorǵanda tórt mektep evakýatsııalandy
ASTANA. KAZINFORM — Taldyqorǵanda №11, 14, 17 jáne 18 mektepterge jarylǵysh zat qoıyldy degen anonımdi habarlama túsip, oqýshylar men muǵalimder shuǵyl evakýatsııalandy, dep habarlaıdy Kazinform tilshisi.
Oblystyq polıtsııa departamentiniń málimetinshe, barlyq nysan tekserilip, kúdikti zattar tabylǵan joq. Qaýipsizdik sharalary aıaqtalǵan soń mektepter qalypty jumys rejımin jalǵastyrýda.
Qazirgi ýaqytta jalǵan aqparat taratqandardy anyqtaý jáne ustaý boıynsha tergeý is-sharalary júrgizilip jatyr. Bul sońǵy úsh kúnde tirkelgen úshinshi jalǵan aqparat taraty oqıǵasy.
Polıtsııa qasaqana terrorızm aktisi týraly jalǵan habarlama bergender qatań qylmystyq jaýapkershilikke tartylatynyn eskertedi.
Eske sala keteıik, buǵan deıin Taldyqorǵanda vokzal, turǵyn úı jáne iri saýda ortalyǵy «bomba qoıyldy» degen jalǵan habarlamanyń nysanasyna aınalǵan edi.