Jarda selfı jasamaq bolǵan sıngapýrlyq qaza tapty
ASTANA. QazAqparat - Sıngapýr azamaty Indonezııada jarda turyp selfı jasamaq bolǵan kezinde muhıtqa qulap, qaza tapty, dep habarlady Ýtro.rý ındonezııalyq Jakarta Post basylymyna silteme jasap
Oqıǵa Balıdiń ońtústik-shyǵysyndaǵy Nýsa-Lembongan aralynda oryn aldy. Dostarymen demalysqa kelgen 21 jastaǵy Mohamed Aslam bın Shahýl araldyń tik jarynda selfı jasamaq bolǵan. Ony tolqyn soǵyp, tepe-teńdikti saqtaı almaı qalǵan jigit muhıtqa qulaǵan.
"Tepe-teńdikti ustaı almaı, aıaǵy taıyp, muhıtqa qulady. Ol júzý bilmedi degen boljam bar", - dedi jergilikti polıtsııa ókili.
Jigittiń múrdesi bes metr tereńdikten tabyldy. Ony gospıtalge jetkizdi, medıtsına qyzmetkerleri onyń denesi jansyz ekenin málimdedi.
