Jaratylysy erekshe Aıjan Sultanova H-faktor jobasynyń kelesi kezeńine ótti - VIDEO
ASTANA. QazAqparat - Astanada turatyn 21 jastaǵy Aıjan Sultanova Ýkraınanyń H-Faktor jobasyna qatysyp, negizgi kezeńine ótti. Ádil qazylar alqasynyń úsheýi Aıjannyń talantyna ǵana emes, taǵdyr synaǵyna boı bermegen batyldyǵyna da tánti bolyp, daýys berdi.
«Túsinesizder me, adam óz tánine ózi úırenedi, óıtkeni, ol solaı jaratylǵan jáne ol basqa tánniń qandaı bolatynyn bilmeıdi. Men 7-8 jasyma deıin basqalalardan ózgesheleý ekenimdi bilmegenmin de...Biraq, bir de bir dáriger ne sebepti osylaı bolǵanyn aıta alǵan joq», - deıdi Aıjan shoý aldyndaǵy suhbatynda.
Aıjannyń jasy 21-de, boıy - 1,21 m. «Shamam kelgen dúnıelerdi ózim jasaımyn. Anam maǵan: «óte qyrsyqsyń, aıtqanyńnan qaıtpaısyń, bir máselelerde óte qattysyń», - deıdi. Biraq, eger men osyndaı ójet minezdi bolmasam, meni taptap keter edi...Adam armanyna jetedi, tek, erik-jigeri myqty bolý kerek», - deıdi Aıjan.
