Jaratqan maǵan osy synaqtyń bárinen laıyqty óte alatyndaı kúsh-jiger men densaýlyq syılapty - N. Nazarbaev
ASTANA. 29 jeltoqsan. QazAqparat - Qazir maǵan jeńil, óıtkeni, úlken tájirıbe ıesimin, kóp nárseni á degende-aq qaǵyp alyp jatasyń. Bul týraly Memleket basshysy Nursultan Nazarbaev qazaqstandyq BAQ-qa bergen suhbatynda málim etti.
«Maǵan qujattyń alǵashqy betine kóz júgirtsem jetkilikti, ári qaraı ne aıtylatynyn aınytpaı bilemin. Biraq, alǵashqy jyldary osy jolda kúndiz-túni jumys isteýge týra keldi. Táýelsizdigimizdiń 21 jylynda basymyzdan ne ótpedi, qandaı qıyndyqtardy eńsermedik! Osynyń bári men arqyly, meniń júregim arqyly ótti», - deı kelip, kásiporyndardyń toqtap, zeınetaqy, eńbekaqy tóleıtin aqsha bolmaı, jumyssyzdyq ósken kezderdi esine aldy.
«Dúkenderde nan, shujyq bolmady. Qarapaıym nárseniń ózi joq boldy. Ýaqyt sondaı bolatyn. Jumysqa bara jatqan kezimde, ájeler jolymdy bógeıtin. Parlament, depýtattar bizdiń ne istep jatqanymyzdy, jekeshelendirýdiń, naryqtyq ekonomıkanyń, jańa qarjy júıesiniń ne ekenin túsinbedi. Meniń kúni boıy Parlamentte otyryp, zańnyń ár baby boıynsha sóz sóıleýime, sodan keıin jumysqa baryp, prezıdent bolyp túngi saǵat ekige deıin jumys isteýime týra keldi. Osynyń bári de bastan ótti. Qazir sońyma qaraılap oılasam - shyn máninde Jaratqan maǵan osy synaqtyń bárinen laıyqty óte alatyndaı kúsh-jiger men densaýlyq syılapty», - dep oıyn túıdi Prezıdent.
