Jaramdylyq merzimi ótken taǵamda toksındi zattar bolýy múmkin – dáriger

ASTANA. QazAqparat – Ortalyq kommýnıkatsııalar qyzmetinde ótken brıfıngte jýrnalıster aktsııa boıynsha jaramdylyq merzimi ótken ónimderdi satý máselesin kóterdi. Dáriger, sarapshy Aınagúl Qýatbaeva bul máselege nazar aýdarý qajettigin aıtty, dep habarlaıdy QazAqparat tilshisi.

Aınagúl Qýatbaeva jalpy jaramdylyq merzimi bitken ónimder ýtılızatsııaǵa jiberiletinin atap ótti. Olardy satyp alyp, salattar ázirleýge bolmaıdy.

«Merzimi ótken burshaq daqyldaryn, dándi daqyldardy jáne etti mal fermalary qabyldaıdy, biraq tipti mal azyǵyn da veterınarlyq baqylaý arqyly berý kerek, óıtkeni bul olardyń qaýipsizdigin qamtamasyz etedi. Jaramdylyq merzimi – eń aldymen óndirýshilerdiń jaýapkershiligi. Olardyń ózderi jaramdylyq merzimin belgilemeıdi, bul úshin sanıtarlyq normalar bar. Merzimi ótken ónimdi tómendetilgen baǵamen satý máselesin qarastyrýymyz kerek. Ótıkeni, keıbir konservilerde toksındi zattar bolýy múmkin jáne ony tutyný qaýipti. Jalpy, qaýipsizdikke qatysty da saqtaý sharttaryn qarastyrýymyz kerek. Biz merzimi ótken ónimderdi tutynýǵa keńes bermeımiz», - dedi dáriger Ortalyq kommýnıkatsııalar qyzmetinde ótken baspasóz máslıhatynda.

Aınagúl Qýatbaeva jyl saıyn jappaı tamaqtan ýlaný tirkeletinin atap ótti. Alaıda, merzimi ótken ónimderdi paıdalaný jaǵdaıy tirkelmegen.

Buǵan deıin QR DSM Sanıtarııalyq-epıdemıologııalyq baqylaý komıteti Juqpaly aýrýlardy epıdemıologııalyq qadaǵalaý basqarmasynyń basshysy Roza Qojapova eldegi epıdemıologııalyq jaǵdaıdy baıandaǵan edi.

Sondaı-aq elimizde balasyna vaktsına salǵyzbaıtyn ata-analar kóbeıýde.