«Jaraly perishte» fılmi Sochıde ótken kıno festıvalinde bas júldege ıe boldy
ASTANA. QazAqparat - Birinshi halyqaralyq TransformNation Film Awards kıno syılyǵynyń jeńimpazdary beısenbi kúni HІH dúnıejúzilik jastar jáne stýdentter festıvalinde jarııalandy.
Bas júlde ıegerin kórermender anyqtady. Ol jasóspirimderdiń ómiri arqaý bolǵan «Jaraly perishte» fılminiń rejısseri qazaqstandyq Emır Baıǵazın boldy, dep habarlaıdy TASS agenttigi.
«TransformNation Film Awards-tiń bas júldesin Qazaqstan, Frantsııa jáne Germanııanyń birlesip óndirgen jobasy «Jaraly perishte» fılmi aldy, rejısseri - Emır Baıǵazın», - dep habarlady syılyqty uıymdastyrý komıtetiniń tóraǵasy, VFMS-2017 -niń kreatıvti prodıýseri Ilıa Bachýrın.
Sondaı-aq, rejısser Fedor Bondarchýk bastaǵan sarapshylar keńesi Baıǵazındi «Óskeleń urpaqtyń armandary men máselelerine nazar aýdarǵany úshin» atalymy boıynsha atap ótti.
