Jaraqat alǵan Temirlan Anarbekov «Qaırat» sapyna oraldy

ALMATY. KAZINFORM — «Qaırat» fýtbol klýbynyń qaqpashysy Temirlan Anarbekov komanda sapyna oraldy.

Bul týraly jańalyq klýbtyń áleýmettik jelisinde jarııalandy. 

— Temirlan Anarbekov jalpy toppen birge jattyǵýǵa qaıta kiristi, — delingen jazbada.

Eske salaıyq, tamyz aıynda Shotlandııanyń Glazgo qalasynda ótken «Seltıkke» qarsy oıynda Aleksandr Zarýtskıı alǵan jaraqatyna baılanysty alańnan ketýge májbúr boldy. Ony 21 jastaǵy Temirlan Anarbekov aýystyrdy.

Keıin qyrkúıek aıynda «Qaırat» pen «Aqtóbege» arasyndaǵy oıynda Temirlan Anarbekovtyń ózi jaraqat aldy. Oıynǵa 18 jastaǵy Sherhan Qalmurza shyqty.

Buǵan deıin «Qaırattyń» bas bapkeri Rafael Ýrazbahtın jaraqat alǵan qaqpashylardyń jaǵdaıy qalaı ekenin aıtty.