Jaraqat alǵan frantsııalyq boksshyǵa Shymkentte shuǵyl ota jasaldy

ShYMKENT. KAZINFORM - Sportshy jarys kezinde jaraqat alyp, jedel túrde medıtsınalyq mekemege jetkizilgen.

Shymkent qalalyq №1 klınıkalyq aýrýhanasynda Frantsııa azamaty, kásibı boksshy Klaus Demeri-ge shuǵyl ota jasaldy. Dárigerlerdiń tekserýi barysynda naýqasqa «syrtqy muryn súıekteriniń jabyq synyǵy, sol jaq gaımor qýysynyń orbıtalyq qabyrǵasynyń yǵysqan synýy, kóz almasynyń jumsaq tinderiniń gaımor qýysyna túsýimen qatar júretin jaraqat» degen kúrdeli dıagnoz qoıyldy.

- Patsıent dereý LOR bólimshesine jatqyzylyp, súıek synyqtaryn repozıtsııalaý jáne endoskopııalyq ballonoplastıka otasy jasaldy. Hırýrgııalyq ota sátti aıaqtalyp, boksshy besinshi táýlikte qanaǵattanarlyq jaǵdaıda aýrýhanadan shyǵaryldy. Sheteldik sportshy aq halatty abzal jandarǵa erekshe alǵysyn bildirip, Shymkent medıtsınasynyń kásibı deńgeıine joǵary baǵa berdi, - delingen Shymkent qalasy densaýlyq saqtaý basqarmasy taratqan aqparatta.

Aıta keteıik, budan buryn Shymkentte psıhotroptyq zat daıyndaýǵa áreket jasaǵan adam 8 jylǵa sottalǵanyn jazǵan bolatynbyz.