Jappaı jol apaty jıilep ketti – Úkimet basshysy

ASTANA. KAZINFORM – Úkimet basshysy Oljas Bektenov turǵyndardyń qolaısyz aýa raıynda jolǵa shyqpaý kerektigin túsindirý jumystaryn kúsheıtý qajettigin aıtty.

- Taǵy bir nazar aýdaratyn másele – jappaı jol apaty jıilep ketti. Mysaly, qańtar aıynyń basynda «Astana – Şýchınsk» baǵytynda rezonans týdyrǵan jol apaty boldy. Osyndaı oqıǵa «Astana – Qaraǵandy» trassasynda da tirkeldi, - dedi Oljas Bektenov Úkimet otyrysynda. 

Osy oraıda Premer-mınıstr qolaısyz aýa raıy kezinde turǵyndardy habarlandyrý jumystaryn jetildirýdi tapsyrdy. 

- Aýa raıynyń buzylýy jáne júrgizýshilerdi jol apattary týraly eskertýge tıis qoldanystaǵy ádisterdiń tıimsiz ekenin kórýge bolady. Qys aılarynda jáne qolaısyz aýa raıy kezinde eń joǵary jyldamdyqty tómendetý boıynsha ozyq tájirıbeni paıdalaný kerek. Qolaısyz aý raıynda alys jolǵa shyǵýǵa bolmaıtyny týraly halyq arasynda túsindirý jumystaryn kúsheıtý qajet. Tsıfrlyq sheshimderdi qoldana otyryp, júrgizýshilerdi joldaǵy ahýal týraly ýaqtyly eskertip otyrý kerek. Radıo men áleýmettik jelilerdi paıdalanǵan jón. Qaýipti ýchaskeler aldynda elektrondy tablolar men ýaqytsha belgiler ornatylýǵa tıis, - deıdi ol. 

Eske sala ketsek, 3 qańtarda Astana-Şýche tas jolynda 40-qa jýyq avtokólik soqtyǵysty.

«Astana-Şýche» tas jolyndaǵy jappaı kólik apatynda 95-ke jýyq avtokólik zardap shekti.