Jappaı vaktsınatsııa: Atyraýda ekpe salatyn 22 pýnkt demalyssyz jumys istep tur
ATYRAÝ. QazAqparat - 3 sáýirden bastap oblys halqyna koronavırýsqa qarsy ekpe salyna bastady. Oblystaǵy 22 egý pýnkti demalyssyz jumys isteıdi, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Bul týraly Atyraý oblysynyń kommýnıkatsııalar qyzmetinde ótken brıfıngte densaýlyq saqtaý basqarmasynyń basshysy Ashan Baıdýálıev málim etti.
Spıkerdiń aıtýynsha, 3 sáýirden bastap Atyraý oblystyq sanıtarııalyq-epıdemıologııalyq baqylaý departamentiniń 2021 jylǵy 2 sáýirdegi № 24-27-03/346 hatyna sáıkes «Spýtnık V» vaktsınasy halyqty jappaı vaktsınalaý úshin paıdalanylady.
Qala, aýdan turǵyndary, kásiporyndarda vahtalyq ádispen jumys isteıtin jáne basqa da sanattaǵy adamdar kiredi.
- Barlyq egý pýnkteri demalyssyz jumys isteıtin bolady. Vaktsınany tirkelgen jeri boıynsha emhanadan 18 jastan asqan adamdar ala alady, - dep túsindirdi Ashan Baıdýálıev.
Esterińizge sala keteıik, bıylǵy jyldyń 2 sáýirinde aımaqqa 3 600 doza vaktsına keldi, olar oblystyń 22 egý pýnktine taratyldy.
1 aqpan men 2 sáýir aralyǵynda Atyraý oblysyna 3 600 doza vaktsına jetkizilip, 3 598 adam egildi.
Onyń ishinde 42 memlekettik qyzmetshi, 1611 medıtsına qyzmetkeri, 1413 pedagog, 486 polıtsııa qyzmetkeri, 46 ózge adamdar vaktsınatsııalandy.
