Jappaı ýlaný jaǵdaıynan soń Gambýrg áýejaıynda jumys qaıta jandandy
ASTANA. QazAqparat - Nemisterdiń Gambýrg qalasyndaǵy Gelmýt Shmıdt atyndaǵy áýejaıy belgisiz zattan ýlaný jaǵdaıynan soń jumysyn qaıta jandandyrdy, dep habarlaıdy Rıa Novostı jergilikti polıtsııaǵa silteme jasap.
Osyǵan deıin áýejaı ǵımaratynyń onda kelýshiler úshin ashyq ekeni habarlanǵan bolatyn.
«Gambýrg áýejaıynda áýe qatynasy qalpyna keldi»,-delingen polıtsııanyń tıvtterdegi habarlamasynda.
Gambýrg áýejaıynda belgisiz zattyń taraýyna baılanysty jeksenbi kúni 52-den kem emes adam ýlandy. Júzdegen adam shuǵyl túrde áýejaı ǵımaratyn tastap shyǵýǵa májbúr boldy.
Áýejaıǵa kelýshiler tynys alý joldarynyń aýyrǵandyǵyna shaǵymdandy.
Órt qyzmeti ókiliniń osyǵan deıin habarlaýynsha, áýejaıǵa belgisiz zat aýa baptaǵysh qurylǵylarynyń isten shyǵýyna baılanysty taraýy múmkin.
