Jappaı tóbeles kezinde granata jarylyp, 14 adam jaralandy
ASTANA. QazAqparat - Sverdlov oblysynda jappaı tóbeleske qatysýshynyń biri qarsylasyna granata laqtyrdy.
Reseıdiń Tergeý komıtetiniń málimetinshe, oqıǵa senbiden jeksenbige qaraǵan túnde Týgýlym eldi mekeninde oryn alǵan. Eki topqa bólingen jastardyń arasynda qaqtyǵys bolyp, onyń arty jappaı tóbeleske ulasqan.
Aldan ala málimet boıynsha, tóbeles barysynda qatysýshylardyń biri qarsylas jaqqa RGD-5 shabýyl granatasyn laqtyrǵan. Jarylys saldarynan 14 adam jaraqat aldy. Onyń úsheýi aýyr halde aýrýhanaǵa jetkizildi.
Osy oqıǵa boıynsha «jalpyǵa qaýipti ádispen eki jáne odan kóp adamnyń ómirine qastandyq jasaý» jáne «jarylǵysh zattardyń zańsyz aınalymy» baptary boıynsha qylmystyq is qozǵaldy.
