Jappaı tártipsizdik: Qyzylorda oblysynda 26 kásipkerlik nysanǵa zııan keldi

QYZYLORDA. QazAqparat - Qyzylorda oblysynda jappaı tártipsizdik saldarynan 26 kásipkerlik nysanǵa zııan kelgen, dep habarlaıdy QazAqparat tilshisi.

Qyzylorda oblysynda zardap kelgen kásipkerlik nysandar sany 26-ǵa jetti. Bul jóninde jergilikti bıznes ókilderi Kásipkerler palatasy, oblystyq Kásipkerlik jáne týrızm basqarmasyna habarlasqan. Olarǵa kelgen shyǵynnyń jalpy somasy 395,4 mln teńge shamasynda.

«Aıta ketsek, Qyzylorda qalasynda ornalasqan «Kompas», «Sinooil», «GazEnerdjı» janar-jaǵar maı beketterine, «Sultan», «Frıstaıl», «Birlik», «Al-asad» saýda úıleri ǵımarattaryna, tólem termınaldaryna, «M-Lombard» nysanyna zalal keltirilgen. Bul oryndarda azyq-túlik, altyn buıymdar, aqsha tonaý derekteri tirkelgen. Ázirge keltirilgen zalaldyń naqty kólemin aıtý qıyn. Degenmen kásipkerlerdiń ótinishin aldyn ala eseptesek, zalaldyń jalpy somasy 395,4 mln teńgeni quraıdy», - deıdi Qyzylorda oblysy Kásipkerler palatasynyń dırektory Ǵalymbek Jaqsylyqov.

Vedomstvo málimetinshe, shyǵyndar áli de eseptelýde. Baılanys qalpyna keltirilgennen keıin kásipkerlerden tolyq aqparat alynady.