Jappaı tártipsizdik kezinde urlanǵan qarýdyń qaı bóligi tabylǵany belgili boldy
NUR-SULTAN. QazAqparat – Búgin Ortalyq kommýnıkatsııalar qyzmetinde QR Bas prokýratýrasy 1-qyzmet bastyǵynyń orynbasary Eldos Qılymjanov urlanǵan qarýdyń qaı bóligi tabylǵanyn aıtty, dep habarlaıdy QazAqparat tilshisi.
«Quqyq qorǵaý organdarynyń ǵımarattaryn basyp alýdyń negizgi maqsaty - atys qarýyn ıemdený. Atap aıtqanda, Almaty oblysynda polıtsııa departamenti ǵımaratynan 53 avtomat, 367 tapansha, 1 granatamet, sondaı-aq 23 myńnan astam patron urlanǵan. Jambyl oblysynda - 209 avtomat, 134 tapansha, 11 granatomet, bir pýlemet jáne 40 myńǵa jýyq patron», - dedi E. Qılymjanov.
Onyń aıtýynsha, Almaty rezıdentsııasynda qıratýlardan keıin 130 qarý men oq-dárilerdiń jetispeýshiligi anyqtaldy. Sonyń arasynda - 80 granata, 17 tapansha, 11 avtomat, 21 granatamet jáne snaıper myltyǵy.
«Sondaı-aq, on ańshylyq dúken tonaldy, sol jerden 1 629 myltyq urlandy. Jalpy alǵanda, úsh myńnan astam qarý urlanǵan. Osy kólemniń tek úshten biri nemese 967 -si ǵana tabyldy. Al eki myńnan astamy, sonyń ishinde granatalar, pýlemetter, myltyqtar, tapanshalar men granatomet áli de qylmyskerlerdiń qolynda», - dedi Bas prokýratýra ókili.
