Jappaı tártipsizdik: Qaraǵandylyqtar qaza tapqan 2 jaýyngerdi aqtyq saparǵa shyǵaryp saldy
2022 jyldyń 8 qańtarynda Qaraǵandy oblysy Buqar jyraý aýylynda (Qaraǵandydan 50 shaqyrym qashyqtyqta) Qyzylorda qalasyndaǵy tártipsizdikter kezinde qaýipsizdikti qamtamasyz etý kezinde qaza tapqan qatardaǵy jaýynger Qaısarov Madııar Orazalyulyn áskerı qurmetpen jerleý rásimi ótti.
2022 jyldyń 5 qańtarynda qatardaǵy jaýynger M.Qaısarov qyzmet etken jedel bólimshe Qyzylorda qalasynda qoǵamdyq tártipti qalpyna keltirý boıynsha jaýyngerlik tapsyrmany oryndady.
Qarsylasý sátteriniń birinde narazylyq bildirýshiler urlanǵan júk kólikterin bólimsheniń jaýyngerlik jasaǵyna qaraı jóneltken.
Qatardaǵy jaýynger Madııar Qaısarov abdyrap qalmaı, batyldyq pen tabandylyq tanytyp, áriptesterin yǵystyryp, júk kóliginiń dóńgelegi astyna túsip, aýyr jaraqat aldy. Jas sarbaz óz ómirin qıyp, halyqtyń tynyshtyǵy men amandyǵy úshin berilgen tapsyrmany erlikpen oryndady.
Marqumdy jerleý rásimine Parlament Májilisiniń depýtaty Baqytbek Smaǵul, Ulttyq ulan «Ortalyq» óńirlik qolbasshylyǵynyń qolbasshylyǵy, Qaraǵandy oblysy ákimdigi men QMDB ókilderi, din qyzmetkerleri qatysty.
Madııar Qaısarov 2002 jyly 29 qańtarda dúnıege kelgen, Qaraǵandy oblysy ÁQB Ulttyq ulan qataryna shaqyrylǵan. Áskerı boryshyn 5547 (Qyzylorda qalasy) áskerı bóliminde UBK kúzet vzvodynyń arnaıy óńdeý bóliminiń mamany (degazator) bolyp ótegen.
Onyń esimi Qazaqstan Respýblıkasy Ulttyq ulanynyń erlik shejiresine máńgilikke jazylady.
Marqum bolǵan ekinshi gvardııashy Aıbat Amanovty da búgin jerleý rásimi ótti. Onymen qoshtasý Qaraǵandy oblysynyń Jańaarqa kentinde ótti.
