Jappaı saıası qýǵyn-súrgin taqyryby boıynsha úzdik zertteý jumystaryna arnalǵan baıqaý qorytyndysy shyǵaryldy
ASTANA. 21 mamyr. QazAqparat - 2012 jyldyń 16 mamyrynda Memlekettik tildi damytýdyń Prezıdenttik qorynyń qoldaýymen Saıası qýǵyn-súrgin jáne totalıtarızm qurbandarynyń «ALJIR» memorıaldyq-murajaı kesheni úzdik zertteý jumystaryna arnalǵan baıqaýdyń qorytyndysyn shyǵardy.
Saıası jappaı qýǵyn-súrginniń tarıhta bolǵanyna 75 jyl tolýyna arnalǵan baıqaý - «Siz burynǵy KSRO halyqtarynyń qýǵyn-súrgini men jer aýdarylýy týraly ne bilesiz?», «Sizdiń otbasyńyzǵa qýǵyn-súrginniń áseri boldy ma?», «Bul qasiret endi eshqashan qaıtalanbasyn» atty taqyryptar boıynsha ótkizildi.
Baıqaý qorjynyna túsken 37 jumysty Memlekettik tildi damytýdyń Prezıdenttik qorynyń dırektory Azat Shaýeev, «Astana aqshamy» gazetiniń bas redaktory Erbolat Qamenov, «Astana» jalpyulttyq jýrnalynyń bas redaktory Maqsat Táji-Murat, «Vechernıaıa Astana» gazetiniń tilshisi Zarına Nokrabekova men «ALJIR» murajaıynyń dırektory Bolat Júnisbekov syndy bilikti músheleri bar qazylar alqasy sarapqa saldy.
«Bul qasiret endi eshqashan qaıtalanbasyn» taqyryby boıynsha birinshi oryn Aqmol kentiniń № 5 orta mektebiniń 9 synyp oqýshysy Sanjar Shaımerdenovke berildi. Ekinshi oryn Almaty qalasyndaǵy T. Rysqulov atyndaǵy Qazaq ekonomıkalyq ýnıversıtetiniń stýdenti Denıs Polenovke buıyrsa, úshinshi oryn Aqmol kentindegi № 5 orta mekteptiń 9 synybynyń oqýshysy Ásııa Qońyrbekovaǵa tıdi.
«Sizdiń otbasyńyzǵa qýǵyn-súrginniń áseri boldy ma?» taqyryby boıynsha joldanǵan ǵylymı eńbekterdiń arasynda birinshi oryn Túrkistan qalasyndaǵy A. ıAsaýı atyndaǵy Halyqaralyq qazaq-túrik ýnıversıtetiniń stýdenti Erbol Jolymovqa berildi. Ekinshi oryn Aqmol kentindegi № 5 orta mekteptiń 9 synyp oqýshysy Nıkıta Chmılge berilse, úshinshi oryn Túrkistan qalasyndaǵy A.ıAsaýı atyndaǵy Halyqaralyq qazaq-túrik ýnıversıtetiniń stýdenti Aıdana Salyqbaevaǵa berildi.
«Siz KSRO halyqtarynyń qýǵyn-súrgini men jer aýdarylýy týraly ne bilesiz?» degen taqyrypta birinshi oryn Aqmol kentindegi № 5 orta mekteptiń 9 synyp oqýshysy Ksenııa Denısenkoǵa berildi. Ekinshi oryn Pavlodar qalasyndaǵy Innovatsııalyq Eýrazııa ýnıversıtetiniń stýdenti Ǵalııa Ahmetovaǵa buıyrdy jáne úshinshi oryn Aqtóbe memlekettik pedagogıkalyq ınstıtýtynyń stýdenti Mırat Ospanovqa buıyrdy.
Jeńimpazdar baǵaly syılyqtarmen jáne gramotalarmen marapattaldy ári úzdik jumystar «ALJIR» murajaıynyń veb-saıtyna ornalastyrylatyn bolady. Sondaı-aq jaqsy materıaldar jınaqqa shyǵarylyp, buqaralyq aqparat quraldarynda jarııalanady.
Alqa músheleriniń nazarynan baıqaýǵa túsken basqa da materıaldar qalys qalmady, olardyń eńbekteri jınaqqa engizilip, qatysqandyǵy úshin yntalandyrý syılyǵymen atap ótiledi.
