Jappaı qyryp-joıý qarýyn taratýǵa qarsy kúrestegi qaýipsizdik jónindegi bastamaǵa 20 jyl
Іs-sharaǵa Bastamanyń Azııadaǵy, Eýropadaǵy, Amerıkadaǵy, Afrıkadaǵy jáne Tynyq muhıt óńirindegi qatysýshy memleketteri syrtqy saıası jáne qorǵanys vedomstvolarynyń joǵary mártebeli ókilderi, sondaı-aq halyqaralyq uıymdardyń ókilderi qatysty.
Kezdesýdiń plenarlyq otyrysynda sóz sóıleý barysynda Q. Omarov Qazaqstan taratpaý jáne qarýsyzdaný salasyndaǵy eń mańyzdy kelisimderdiń qatysýshysy bolyp tabylatynyn jáne Bastamany tolyǵymen qoldaıtynyn atap ótti.
Osy turǵyda QR Syrtqy ister mınıstrliginiń ókili Qazaqstanda sezimtal materıaldar men qosarly maqsattaǵy tehnologııalar aınalymyna tıimdi monıtorıng júrgizýge múmkindik beretin eksporttyq baqylaýdyń ulttyq júıesin únemi jetildirip otyrǵanyna nazar aýdardy. Atap aıtqanda, 2023 jylǵy 28 aqpanda Qazaqstannyń halyqaralyq mindettemelerinen shyǵatyn talaptardy jáne ozyq halyqaralyq tájirıbeni qamtıtyn «Ózindik ertekshiligi bar taýarlardy baqylaý týraly» Zań kúshine endi.
Qatysýshylardyń nazary Qazaqstan Prezıdenti Qasym-Jomart Toqaevtyń pandemııa problemalaryn keshendi jáne tıimdi sheshý úshin Bıologııalyq qaýipsizdik jónindegi halyqaralyq agenttik qurý jónindegi bastamasyna aýdaryldy. Ortalyq Azııa aımaǵynda jappaı qyryp-joıý qarýdy ornalastyrýǵa, tranzıtke jáne óndirýge tyıym salatyn Ortalyq Azııadaǵy ıadrolyq qarýdan azat aımaqtyń jumys isteýiniń mańyzdylyǵy erekshe atalyp ótti.
Іs-shara aıasynda Qazaqstan delegatsııasynyń basshysy AQSh Memlekettik hatshysynyń qarý-jaraqty baqylaý jáne halyqaralyq qaýipsizdik boıynsha orynbasary Bonnı Djenkınspen, sondaı-aq Koreıa Respýblıkasy, Polsha, Aýstralııa, Palaý jáne Fılıppın delegatsııalary basshylarymen kezdesýler ótkizdi.
Aıta ketsek, Jappaı qyryp-joıý qarýyn taratýǵa qarsy kúreste qaýipsizdik jónindegi bastamany 2003 jyly Polshadaǵy Krakov qalasynda AQSh Prezıdenti Dj. Býsh usynǵan bolatyn. Ol jappaı-qyryp joıý qarýǵa jáne onyń jetkizý quraldaryna baılanysty materıaldardyń zańsyz aınalymyn jáne transshekaralyq jyljytýyn bultarpaýǵa baǵyttalǵan. Búginge deıin 106-dan astam memleket Bastamanyń maqsattary men qaǵıdalaryna qoldaýyn bildirdi. Qazaqstan Respýblıkasy «Krakov bastamasyna» 2005 jylǵy shildede resmı túrde qosyldy.
