Jappaı kıbershabýyldan eshkimde 100 paıyz qorǵanys bolmaıdy - Shavkat Sabyrov
«Sońǵy ýaqytta qazaqstandyq ınfraqurylymǵa osyndaı jappaı shabýyldar bolyp jatyr. Ádette, mundaı jaǵdaıda 100 paıyz qorǵanys bolmaıdy. Osyndaı kezde árdaıym shyǵyndardy azaıtýǵa tyrysady, ınternettegi arnalarda ınfraqurylymǵa júktemeni azaıtýǵa bolatyn nusqalardy izdeıdi. Ótken aptada bárinde derlik qatty irkilis boldy. Sonymen qatar, Qazaqstan ekonomıkasynyń kóptegen salasy derekter beretin ınternet-arnalarmen baılanysty. Mysaly, aýrýhanalar ınternetti derekterdi, sýretterdi, beınelerdi, medıtsınalyq aqparatty berý úshin paıdalanady. Áýe reısteri de keshikti. Sebebi áýe kompanııalary ınternetti telemetrııa úshin, ıaǵnı áýe reısterin qamtamasyz etýge qajetti derekterdi berý úshin paıdalanady. Bizde búkil el, búkil ekonomıka ınternet ınfraqurylymynda derekterdi berý arnalarynda otyr», - dedi ol QazAqparat tilshisine bergen suhbatynda.
Shavkat Sabyrovtyń atap ótýinshe, mundaı tyǵyryqtan shyǵýdyń bir joly - derekterdi berý arnalaryn ártaraptandyrý, bólý.
«Avıatsııanyń, bankterdiń erekshe qajettilikteri úshin derekterdi berý úshin óz arnalary qajet delik. 90-jyldardyń basynda árqaısysynyń derbes telekommýnıkatsııa jelisi boldy. Al qazir bárimiz bir ınfraqurylymda - ınternet ınfraqurylymynda otyrmyz. Sondyqtan bul ınfraqurylymǵa kez kelgen áser ınternetti paıdalanýshylarǵa ǵana emes, sonymen qatar aýrýhanalardan bastap, energetıka men ónerkásipke deıingi Qazaqstan ekonomıkasynyń barlyq salasyna da áser etedi», - dedi Shavkat Sabyrov.
Foto: viaempresa.cat
