Jappaı kelip jatqan reseılikterge kómekteskenderge qoı deı almaımyz – mınıstr

ASTANA. QazAqparat – Іshinara áskerı jumyldyrýdan bas saýǵalap Qazaqstanǵa qonys aýdaryp jatqan reseılikterge kómek kórsetý úshin ashylǵan áleýmettik jeli chattaryna monıtorıng júrgiziledi. Bul týraly QR Іshki ister mınıstri Marat Ahmetjanov ortalyq kommýnıkatsııalar qyzmetinde ótken brıfıngide aıtty, dep habarlaıdyQazAqparat tilshisi.

«Qazir Reseımen shekaramyzda uzynsonar kezek qalyptasqan. Kóptegen reseılikter ishinara áskerı jumyldyrýdan qashyp, elimizge umtylýda. Osyǵan baılanysty kóptegen qazaqstandyqtar atalǵan reseılikterdi tasymaldaý, qujat rásimdeýge kómektesý, bank kartalary men JSN alýǵa járdemdesý qyzmetin usynyp, túrli chattar ashyp jatyr. Bul chattar tekserilip jatyr ma? Mundaı qyzmet usynýshylarǵa baılanysty qandaı da bir shara qoldanyla ma?», - dep surady BAQ ókili.

Mınıstrdiń sózine qaraǵanda, bul turǵyda áleýmettik jeliniń bárine monıtorıng júrgizilip otyr.

«Árıne búkil áleýmettik jelilerge, basqa resýrsrtarǵa da monıtorıng júrgizilip jatyr. Biraq mynany atap ótý kerek. Qazaqstanda bári zańnamamen aıqyn rettelgen. JSN alý da, syrttan kelýshilerdiń quzyrly organdarǵa habar berý tártibi de zańnamada naqty kórsetilgen. Sondyqtan eriktiler men ózge tulǵalar kómektesip, túsindirý jumysyn júrgizip jatsa, bul jerde biz olardy shekteı almaımyz. Deı turǵanmen, qandaı da bir kóleńkeli alaıaqtyq shemalar tirkelse, árıne, joly kesiledi», - dedi Marat Ahmetjanov.

Foto: ortcom.kz