Jappaı dıktantqa qatysatyndardy tirkeý bastaldy
ALMATY. QazAqparat - Almatyda Jappaı dıktanttyń mátinin belgili shoýmen Murat Mutyrǵanov pen teleradıo júrgizýshisi Dıana Snegına oqıtyn bolady.
Búgin Almatyda osyǵan baılanysty ótken baspasóz máslıhatynda jobanyń úılestirýshisi Danııar Beksultan totaldict.ru saıtynda qytsýshylardy tirkeýdiń bastalǵanyn habarlady.
«Tirkeý derekteriniń kómegimen osy saıttan óz baǵańdy bilýge bolady. Almatyda dıktant eki ýnıversıtettiń alańqaıynda ótkiziledi. Bul shara qalamyzda osymen ekinshi ret uıymdastyrylyp otyr. Ótken jyly oǵan 100 adam qatysty. Sonda tek eki adam ǵana «úzdik» degen baǵa aldy», - dedi D. Beksultan.
Ol sonymen qatar, bul bilim aktsııasyna kez-kelgen adam qupııa túrde jáne tegin qatysa alatyndyǵyn jetkizdi. Jobany qolǵa alýdaǵy basty maqsat - turǵyndar arasynda saýattylyqty damytý. Bıyl bul ıntellektýaldyq fleshmob Qazaqstannyń 10 qalasynda ótkiziledi.
«Dıktanttyń mátinin qazirgi jazýshylardyń biri daıyndap jatyr. Tekserý úsh kezeńde júrgiziledi, aldymen volonterlar toby, keıin fılologtar keńesi tekseredi. Mátin kúrdeli, «bes» degen baǵa alý óte qıyn», - dedi fılologtardyń saraptyq keńesiniń múshesi Evgenııa Slagdınova.
Aıta ketelik, Jappaı dıktant ústimizdegi jyly 16 sáýirde álemniń kóptegen elderinde uıymdastyrylady.
