Japonııanyń jańa Premeri apatty «Fýkýsıma-1» AES-na alǵash ret keldi
ASTANA. 8 qyrkúıek. QazAqparat - Japonııanyń jańa Premer-mınıstri Esıhıko Noda «Fýkýsıma-1» AES-nan 20 shaqyrym qashyqtyqta ornalasqan stansadaǵy apatty joıýshylardyń lagerine keldi,
dep habarlaıdy Euronews.
Noda qyzmetine kirise salysymen erterek eldi qaıta órkendetý jáne 11 naýryzdaǵy zilzala zardaptaryn joıý jańa Úkimettiń basty mindeti bolatynyn málimdedi.
Úkimet basshysy eski AES-tardyń jumysyn toqtatyp, jabýǵa nıetti ekenin bildirdi.
Qazirgi tańda apatty «Fýkýsıma-1» AES-daǵy jumystar jospardaǵydaı júrip jatyr. Apatty joıýshylar reaktorlardy sýytyp toqtatýdy aldaǵy jyldyń qańtaryna qaraı aıaqtaýǵa úmit artyp otyr.
