Japonııanyń Tıýbý óńirindegi Qazaqstannyń Qurmetti konsýly taǵaıyndaldy
Búgin Qazaqstannyń Japonııadaǵy Elshisi Erlan Baýdarbek-Qojataev Hıdekı ıAnasege konsýldyq patentti tabys etti.
Іs-shara barysynda qol qoıylǵan kelisimge sáıkes, Qurmetti konsýldyq ekijaqty iskerlik qatynastardy nyǵaıtýǵa jáne mádenı-gýmanıtarlyq baılanystardy damytýǵa basa nazar aýdarady.
«Toyota Tsusho Corporation» bas keńsesi eldiń ozyq ındýstrııalyq haby jáne óndiristik bazasy sanalatyn Tıýbý óńiriniń ákimshilik ortalyǵy – Nagoıa qalasynda ornalasqan. Avtomobıl jasaý, mashına jasaý, metall óńdeý jáne elektrotehnıka sııaqty kóptegen salalarǵa negizdelgen aımaqtyń ekonomıkasy Japonııa JІÓ-niń shamamen 20% quraıdy.
«Rásim barysynda Elshi qol qoıylǵan kelisimge sáıkes Qazaqstan men Japonııa arasyndaǵy ınvestıtsııalyq yntymaqtastyqty jandandyrý boıynsha birqatar naqty is-sharalar aıqyndalǵanyn aıtyp, H. ıAnaseniń iskerlik qasıetteri men jumys tájirıbesi QR Qurmetti konsýly qyzmetin laıyqty atqarýǵa múmkindik beretinin atap ótti.
Óz kezeginde Qurmetti konsýl óńirdiń áleýetin eskere otyryp, Japonııa men Qazaqstan arasyndaǵy ınvestıtsııalyq jáne tehnologııalyq yntymaqtastyqty damytýǵa kúsh-jigerin salatynyn rastady», - delingen SІM aqparatynda.
Qazirgi ýaqytta Japonııanyń Kıýsıý, Kansaı jáne Tıýbý aımaqtarynda elimizdiń úsh Qurmetti konsýldyǵy jumys isteıdi.
Koronavırýs indetiniń áserine qaramastan, aǵymdaǵy jylǵy qańtar-maýsym aralyǵynda QR men Japonııa arasyndaǵy ekijaqty taýar aınalymy 805 mln. AQSh dollaryn qurap, 2019 jylǵy deńgeıde boldy. Al qazaqstandyq eksport 550 mln. AQSh dollaryna jetip, ótken jyldyń sáıkes kezeńimen salystyrǵanda 16%-ǵa ósti.
«Toyota Tsusho Corporation» - avtomobıl jáne mashına jasaý, sondaı-aq metall, energoresýrs, hımııa jáne elektronıka ónimderimen saýda jasaıtyn jahandyq kompanııa.
