Japonııanyń Sapporo qalasynda dástúrli qar festıvaline 2 mln-ǵa jýyq adam qatysady (FOTO)
ASTANA. QazAqparat - Búgin Japonııanyń eń iri qalalarynyń biri Sapporoda qar men muzdan jasalǵan músinderdiń dástúrli festıvali bastalady. Uıymdastyrýshylardyń aıtýynsha, sharaǵa 250 muzdan jasalǵan músinder, 2 mln-ǵa jýyq adamdar qatysady. Bul týraly jergilikti BAQ habarlady.
Jyl saıyn Japonııanyń soltústigindegi Hokkaıdo aralyndaǵy Sapporo qalasynda qar festıvali ótedi. Sharada muz ben qardan jasalǵan músinder qoıylady. 2016 jyly festıval 67-shi ret ótkeli otyr. Ol 18 aqpanǵa deıin jalǵasady.
Festıvalǵa kólemi birneshe ondaǵan metrge jetetin 250-den astam músin kórsetiledi. Budan basqa, shara aıasynda úzdik muz músini anyqtalady. Oǵan bıyl Qytaı, Indonezııa, Sıngapýr, Taıland, batystan - Latvııa, Polsha, AQSh, Lıtva, t.b. elderden komandalar qatysady.
