Japonııanyń mánerlep syrǵanaý federatsııasy Denıs Tennen keshirim surady
ASTANA. QazAqparat - Japonııanyń mánerlep syrǵanaý federatsııasy Bostondaǵy Álem chempıonaty barysynda Olımpıada chempıonaty ıÝdzýrý Hanıýmen arada bolǵan jaǵdaı úshin Qazaqstannyń sportshysy Denıs Tennen keshirim surady.
Esterińizge sala keteıik, birqatar álemdik buqaralyq aqparat quraldary Bostondaǵy Álem chempıonaty kezinde tańǵy jattyǵýdan soń eki sportshy «teke tiresip» qaldy dep aqparat taratqan bolatyn. Sol kezde japon sportshysy Denıs Ten ony jaraqattaý úshin ádeıi soǵyp ketti dep oılaǵan.
Biraq, Japonııanyń mánerlep syrǵanaý federatsııasy eki sportshynyń arasynda eshqandaı da túsinispeýshilik bolmaǵanyn aıtyp, Denıs Tennen keshirim surady. Sondaı-aq, Denıs Tenge qatysty jala jabyldy degen aqparatty joqqa shyǵardy.
«Japonııanyń mánerlep syrǵanaý federatsııasy Denıs Tendi jazalaýdy eshqashan talap etken emes. ıÝdzýrý Hanıý Denıs Tennen jeke keshirim surady. Tipti, ekeýi qol alysty, resmı hat Qazaqstannyń konkımen syrǵanaý federatsııasyna joldandy», - dep habarlanǵan Denıs Tenniń áleýmettik jelilerdegi jeke paraqshalarynyń birinde.
