Japonııanyń qorǵanys mınıstri Tomomı Inada otstavkaǵa ketti
ASTANA. QazAqparat - Japonııanyń qorǵanys mınıstri Tomomı Inada juma kúni otstavkaǵa ketetindigin málim etti, dep habarlaıdy TASS agenttigi.
«Men qalyptasqan jaǵdaıǵa baılanysty jaýapkerishilikti ózimniń moınyma alyp, otstavkaǵa ketý jóninde sheshim qabyldadym», - dedi Inada Tokıoda ótken baspasóz konferentsııasynda.
Tomomı Inada Ońtústik Sýdandaǵy japon bitimgerleriniń áreketimen baılanysty janjalǵa qatysty bolyp shyqty. Bastapqyda qujattar joıyldy dep eseptelgen, alaıda keıinnen olardy taýyp alǵan, jergilikti BAQ málimeti boıynsha, vedostvo bul derekti jasyryp kelgen. Inadanyń otstavka jaıly habarlamasynan keıin premer-mınıstr Sındzo Abe onyń sheshimin qabyldaǵandyǵyn aıtty.
«Men úkimet músheleriniń biri otstavkaǵa ketýge májbúr bolǵany úshin japon halqynan keshirim suraǵym keledi», - dedi Abe.
Ol sondaı-aq, el jáne onyń turǵyndarynyń qaýipsizdigi úshin úkimet barlyq qajettilikterdi oryndaıtyndyǵyna ýáde berdi. Abeniń habarlaýy boıynsha, Inada otstavkaǵa ketkennen keıin, onyń vedomstvosyn eldiń SІM-iniń basshysy Fýmıo Kısıda qosymsha basqaratyn bolady.
«SІM basshysy (Fýmıo) Kısıda qorǵanys vedomstvosyn qosymsha basqarady», - dedi ol bul sheshimniń el qaýipsizdigin qamtamasyz etý úshin mańyzdy ekendigin túsindirip.
