Japonııanyń Kıtakıýsıý qalasynda indettiń ekinshi tolqyny bastalǵandyǵy jarııalandy
KITAKıÝSıÝ.Kyodo-QazAqparat – Japonııanyń ońtústik batysyndaǵy Kıtakıýsıý qalasynda koronavırýs juqtyrýdyń jańa oqıǵalar sany ósken soń, indettiń jańa tolqyny týraly jarııalandy. Bul týraly qala meri Kendjı Kitahasi málim etti, dep habarlaıdy QazAqparat Kyodo agenttigine silteme jasap.
«Biz aýrýdyń ekinshi tolqynynyń ortasynda júrmiz», - dedi qala basshysy.
Qalada 30 sáýir men 22 mamyr kúnderi aralyǵynda aýrý juqtyrýdyń rastalǵan oqıǵalary bolǵan joq, alaıda sońǵy alty kúnniń ishinde indet juqtyrǵan 43 derek tirkelgen, sonyń ishinde 21-i bir táýlikte oryn alǵan.
Birneshe kún buryn Japonııa eliniń premer-mınıstri Sındzo Abe elde koronavırýs pandemııasyna baılanysty tótenshe jaǵdaı rejımin alyp tastaǵan bolatyn.
