Japonııanyń qaıǵysyna nemquraıly qala almadyq - qaıyrymdylyq komıtetiniń tóraıymy Elmıra Kıikova
MINSK. 9 sáýir. QazAqparat /Aıtýar Mamlın/ - Keshe Mınskide Halyqaralyq áıelder klýbynyń uıymdastyrýymen qaıyrymdylyq qonaqasy ótti.
Halyqaralyq áıelder klýby - qoǵamdyq memlekettik emes uıym, oǵan dıplomatııalyq qoǵamdastyqtyń sheteldik azamattary, bıznespen aınalysatyn jáne óz kompanııalarynyń Belarýs Respýblıkasyndaǵy resmı ókilderi bolyp tabylatyn shetel azamattary, sondaı-aq elde tirkelgen sheteldik úkimettik emes uıymdardyń ókilderi múshe.
Klýbtyń negizgi maqsaty - kómekke muqtaj aýrýhana, balalar úıi, ınternattar, arnaıy mektepter sııaqty túrli uıymdar men emdeýge, ońaltýǵa muqtaj jeke tulǵalarǵa qaıyrymdylyq qoldaý kórsetý.
Alǵysóz sóılegen klýbtyń qaıyrymdylyq komıtetiniń tóraıymy Elmıra Kıikova (Qazaqstannyń Belarýs Respýblıkasyndaǵy elshiliginiń birinshi hatshysynyń zaıyby), sharaǵa jınalǵan jurtshylyqtyń bári muqtajdarǵa kómektesýge óz úlesterin qosqanyn atap kórsetti.
Kesh barysynda qaıyrymdylyq lotereıa uıymdastyryldy. Oǵan lottardy sheteldik dıplomatııalyq ókilderdiń ókilderi, belarýstyq isker toptar, onyń ishinde iri kásiporyndar men jetekshi bankter berdi. Lotereıa bıletterin satýdan túsken qarajat ta muqtajdarǵa aýdarylady.
