Japonııanyń iri qalalarynda qaıtadan tótenshe jaǵdaı rejımi engizilmek

TOKIO. QazAqparat – Japonııa bıligi el premer-mınıstri Esıhıde Sýganyń bastamasymen Tokıo, Osaka, Kıoto jáne Hego prefektýralarynda jańa koronavırýstyń taralýy saldarynan ahýaldyń nasharlaýyna baılanysty tótenshe jaǵdaı rejımin qaıtadan engizý týraly sheshim qabyldady, dep habarlaıdy QazAqparat japon qoǵamdyq telearnasyna silteme jasap.

Resmı bul sheshim týraly juma kúni habarlanbaq. Jergilikti bılikti kele jatqan merekelerge baılanysty iri qalalardaǵy koronavırýs oqıǵalarynyń ósý qaýpi alańdatady.

Japon bıligi 7 qańtar kúni birqatar óńirlerde tótenshe jaǵdaı rejımin engizgen edi. Aıta keter bolsaq, rejımniń eń uzaǵy Tokıoda jáne oǵan jaqyn Kanagava, Seıtama, Tıba prefektýralarynda 22 naýryzǵa deıin sozyldy. Alaıda ol alynǵannan keıin juqtyrý oqıǵalarynyń ósý úrdisi qaıta bastaldy. Sońǵy derekterge sáıkes, Japonııada juqtyrý oqıǵalary 548 myńnan asqan, 9,7 myń adam qaıtys boldy.