Japonııanyń ımperatory densaýlyǵyna baılanysty resmı mindetterin oryndamaıtyn boldy
ASTANA. QazAqparat - Japonııa ımperatory Akıhıto sýyq tıip, syrqattanýyna baılanysty biraz ýaqytqa deıin resmı mindetterin oryndaı almaıdy, dep habarlady TASS.
Bul týraly ımperatorlyq juptyń aqparattaryn qadaǵalaıtyn ımperator saraıynyń basqarmasy habarlady. Ádette olardyń jeke ómiri jaıly habar kóp jarııa etilmeıtin.
Derekterge súıensek, monarhqa jeńil tumaý tıgenine qaramastan, senbige josparlanǵan kóktemgi kún men túnniń teńelýine arnalǵan dinı merekege qatyspaý sheshimi qabyldandy. Imperatordyń jubaıy ımperatrıtsa Mıtıko men onyń otbasy sharaǵa qatysady.
Imperator Akıhıtonyń odan ári resmı baǵdarlamasy ázirge anyqtalǵan joq.
