Japonııanyń Honsıý aralynyń shyǵys jaǵalaýynda magnıtýdasy 5,2 baldyq jer silkinisi boldy
ASTANA. 30 jeltoqsan. QazAqparat - Japonııanyń Honsıý aralynyń shyǵys jaǵalaýynda magnıtýdasy 5,2 baldyq jer silkinisi boldy, dep habarlaıdy RBK.
AQSh-tyń Geologııalyq qyzmetiniń habarlaýynsha, jerasty dúmpýleri teńizde 58,3 km tereńdikte tirkelgen. Jer silkinisiniń oshaǵy Ivakı qalasynan soltústikke qaraı 26 shaqyrym, Kıtaıbarakı qalasynan ońtústik-batysqa qaraı 49 shaqyrym jerde ornalasqan.
Zardap shekkender men buzylǵan ǵımarattar týraly aqparat bolǵan joq.
Eske sala keteıik, 2011 jyldyń naýryzynda Japonııanyń osy aýdanynda magnıtýdasy 9,0 jer silkinisi, odan keıin tsýnamı bolǵan edi. Tabıǵı apat 20 myń adamnyń ómirin qıdy. Sondaı-aq sonyń saldarynan «Fýkýsıma-1» atomdyq elektr stansasynda apat oryn aldy.
