Japonııanyń burynǵy elshisi: Qazaqstandaǵy saılaýdy erekshe qyzyǵýshylyqpen baqyladyq

NUR-SULTAN. QazAqparat - Japonııanyń Qazaqstandaǵy elshisi bolǵan Itıro Kavabata qazaqstandyqtardy prezıdenttik saılaýdy tabysty ótkizýimen quttyqtady, dep habarlaıdy QazAqparat.

«Bárinen buryn qazaqstandyqtardy saılaýdyń sátti ótýimen quttyqtaǵym keledi. Tokıodaǵy qazaqstandyqtar saılaýdy eń birinshi bolyp bastap, álem boıynsha birinshi daýys berdi», - dedi Itıro Kavabata.

Sonymen birge, ol kúnshyǵys eliniń Qazaqstandaǵy saılaýdy asqan qyzyǵýshylyqpen baqylaǵanyn atap ótti.

«Jalpyhalyqtyq daýyspen saılanǵan Prezıdenttiń Qazaqstandaǵy turaqtylyqty saqtap, Tuńǵysh Prezıdent saıasatyn sabaqtap, memlekettiń ári qaraı gúldenýine yqpal etedi dep úmittenemin. Bul - halyqaralyq qaýymdastyq úshin óte mańyzdy», - dedi spıker.

Sonymen birge, I.Kavabata jańa Prezıdent tusynda eki eldiń tyǵyz seriktestik qatynastarynyń jalǵasady dep úmittenedi.

«Japonııa úshin Qazaqstan óte mańyzdy el bolǵan jáne bola da beredi. Qazaqstan - bizdiń strategııalyq seriktesimiz. Sondyqtan, bizdiń ekijaqty dostyq qarym-qatynastarymyzdyń jańa Prezıdent tusynda jańa qadamdarǵa aıaq basaryna úmittenemin», - dedi dıplomat.